آمريڪي نائب صدر جي ڊي وينس چيو آهي ته ايران وٽ عالمي واپاري رستا مڪمل طور بند ڪرڻ جي صلاحيت ناهي.

آمريڪي ميڊيا سان ڳالهائيندي جي ڊي وينس چيو ته آمريڪا وٽ ايران کي منهن ڏيڻ لاءِ ڪيترائي طريقا موجود آهن، جن مان سڀ کان اثرائتو طريقو اهو آهي ته ايران کي تيل ۽ گئس جي واپار ۾ رڪاوٽ وجهڻ جي قيمت ادا ڪرڻ تي مجبور ڪيو وڃي.

هن چيو ته ايران عالمي واپاري رستا مڪمل طور بند ڪرڻ جي پوزيشن ۾ ناهي. نائب صدر وڌيڪ چيو ته آبنائے هرمز مان روزانو 7 کان 15 ملين بيرل تيل جي آمدرفت جاري رکڻ ۾ ڪامياب ٿي رهيا آهن.