بالي ووڊ اداڪار ڪارتيڪ آريان فلم جي شوٽنگ دوران زخمي ٿي پيو
ڀارتي ميڊيا موجب ڪارتيڪ آريان هدايتڪار ڪبير خان جي ايندڙ فلم جي شوٽنگ دوران زخمي ٿيو. سندس گوڏي تي چَٽ لڳڻ کانپوءِ کيس سرجري ڪرائڻي پوندي.
ڀارتي ميڊيا جي رپورٽ ۾ چيو ويو آهي ته اهو حادثو فلم جي شوٽنگ جي آخري ٻن ڏينهن دوران پيش آيو، جڏهن ڪارتيڪ آريان ايڪشن سان ڀرپور منظرن جي عڪسبندي ڪري رهيو هو.
پروڊڪشن سان لاڳاپيل هڪ ذريعي موجب زخمي ٿيڻ کانپوءِ ڪارتيڪ آريان کي ممبئي جي اسپتال منتقل ڪيو ويو.
ڀارتي ميڊيا مطابق ڊاڪٽرن طرفان ڪارتيڪ آريان جي گوڏي جي سرجري ڪرڻ جو امڪان آهي، جنهن کانپوءِ کيس ڪيترائي ڏينهن آرام ڪرڻو پوندو.
