اسلام آباد: سھ ماهي ايڊجسٽمينٽ تحت في يونٽ بجلي ٽن مهينن تائين مهانگي ٿيڻ جو امڪان آهي. نيشنل اليڪٽرڪ پاور ريگيوليٽري اٿارٽي (نيپرا) بجلي ورهائيندڙ ڪمپنين طرفان صارفين تي 34 ارب رپين جو بار منتقل ڪرڻ بابت داخل ڪيل درخواست تي فيصلو محفوظ ڪري ورتو آهي. ذريعن موجب سھ ماهي ايڊجسٽمينٽ تحت في يونٽ بجلي ٽن مهينن تائين هر مهيني هڪ رپيو 34 پيسا مهانگي ٿي سگهي ٿي. ذريعن وڌيڪ ٻڌايو ته نيپرا طرفان مڪمل جاچ پڙتال کانپوءِ حتمي فيصلو جاري ڪيو ويندو.
