شماريات کاتي جي جاري ڪيل انگن اکرن موجب هڪ سال دوران بصر جي قيمت ۾ 132.52 سيڪڙو ۽ ٽماٽن جي قيمت ۾ 93.21 سيڪڙو اضافو رڪارڊ ڪيو ويو آهي

انگن اکرن موجب هڪ سال دوران اٽي جي قيمت 62.25 سيڪڙو، ايل پي جي 51.69 سيڪڙو، ڊيزل 33.08 سيڪڙو ۽ پيٽرول 27.65 سيڪڙو مهانگو ٿيو.

هڪ سال دوران ڪيلا 17.66 سيڪڙو ۽ مٽن 15.98 سيڪڙو مهانگو ٿيو، جڏهن ته بيف جي قيمت ۾ 13.54 سيڪڙو اضافو ٿيو.

شماريات کاتي موجب هڪ سال دوران آلو 30 سيڪڙو، کنڊ 19.10 سيڪڙو ۽ ڪڪڙ جو گوشت 17.68 سيڪڙو سستو ٿيو.

ان کان علاوه هڪ سال دوران آنن جي قيمتن ۾ 17.41 سيڪڙو ۽ دال چڻا جي قيمت ۾ 13 سيڪڙو کان وڌيڪ گهٽتائي ٿي. دال مسور جي قيمت 12.29 سيڪڙو ۽ ڳڙ جي قيمتن ۾ 6 سيڪڙو گهٽتائي رڪارڊ ڪئي وئي.