مسلم ليگ (ن) ۽ پاڪستان تحريڪ انصاف نون صوبن جي قيام تي اتفاق ڪري ورتو آهي
جيو نيوز جي هڪ پروگرام ۾ ڳالهائيندي وفاقي وزير براءِ دفاعي پيداوار رضا حيات هراج چيو ته نوان صوبا ضرور ٺهندا، نه شهباز شريف ڪيڏانهن وڃي رهيو آهي ۽ نه ئي محسن نقوي، نوان صوبا وزيراعظم شهباز شريف ئي ٺاهيندو.
پاڪستان تحريڪ انصاف جي چيف وِپ ملڪ عامر ڊوگر چيو ته هو به گهرو وزير محسن نقوي سان اتفاق ڪن ٿا ته نوان صوبا ٺهڻ گهرجن. هن چيو ته ڏکڻ پنجاب صوبي جي قيام تي مڪمل اتفاق موجود آهي، سڀ کان پهرين ڏکڻ پنجاب کي نئون صوبو بڻائڻ گهرجي، جڏهن ته نوان صوبا آبادي جي بنياد تي قائم ٿيڻ گهرجن.
