ناڻي واري وزير جي صلاحڪار خرم شهزاد چيو آهي ته گذريل مالي سال نجي شعبي کي 11.38 کرب رپين جا قرض ڏنا ويا، جيڪي گذريل 4 سالن جي بلند ترين سطح آهن
خرم شهزاد موجب مالي سال 2025-26 دوران نجي شعبي کي ڏنل قرضن ۾ لڳ ڀڳ 15 سيڪڙو اضافو ٿيو.
هن چيو ته نجي شعبي کي مالي سهڪار ذريعي ڪاروبار ۽ پيداواري سرگرمين کي هٿي ڏني پئي وڃي، جڏهن ته 89 سيڪڙو نوان قرض مينوفيڪچرنگ، هول سيل ۽ پرچون واپار، ۽ زراعت جهڙن شعبن کي ڏنا ويا.
خرم شهزاد چيو ته مينوفيڪچرنگ شعبي کي 657 ارب رپين جا نوان قرض مليا، جيڪي صنعتي سرگرمين ۽ پيداواري صلاحيت ۾ واڌ جي عڪاسي ڪن ٿا.
سندس چوڻ هو ته واپار ۽ زراعت ۾ مالي سهڪار سان پيداوار، ڪاروباري سرگرمين ۽ نجي سيڙپڪاري ۾ بهتري آئي آهي، جڏهن ته نجي شعبي ۾ وڌندڙ قرض ڪاروباري اعتماد ۽ معاشي استحڪام ڏانهن مثبت اڳڀرائي جو مظهر آهي.
