آبنائے هرمز کولڻ بابت غير يقيني صورتحال کانپوءِ عالمي منڊي ۾ خام تيل جي قيمتن ۾ معمولي واڌ ٿي آهي
ميڊيا رپورٽن موجب ايشيا ۾ سومر جي صبح ٿيندڙ واپار دوران تيل جي قيمتن ۾ اضافو رڪارڊ ڪيو ويو.
برينٽ خام تيل جي قيمت هڪ سيڪڙو کان وڌيڪ وڌي 84 ڊالر في بيرل کان به مٿي ٿي وئي، جڏهن ته آمريڪي خام تيل جي قيمت ۾ پڻ هڪ سيڪڙو کان وڌيڪ اضافو ٿيو.
واضح رهي ته دنيا جي اهم ترين سامونڊي گذرگاهن مان هڪ آبنائے هرمز جي مستقبل بابت اڃا تائين صورتحال غير واضح آهي.
ايران جو چوڻ آهي ته عمان سان نون سامونڊي رستن جي تعين بابت معاهدو حتمي مرحلن ۾ آهي، جڏهن ته آمريڪا کي اڃا ٻين شرطن تي عمل ڪرڻو پوندو.
