ڪراچي (ويب ڊيسڪ) پاڪستان سپر ليگ جي 29هين ميچ ۾ پشاور زلمي بابر اعظم جي شاندار سينچري جي مدد سان ڪوئيٽا گليڊيئيٽرز کي ڪاميابي لاءِ 256 رنسن جو وڏو هدف ڏئي ڇڏيو.

ڪراچي جي نيشنل اسٽيڊيم ۾ ڪوئيٽا گليڊيئيٽرز ٽاس کٽي اڳ ۾ بالنگ جو فيصلو ڪيو، جيڪو غلط ثابت ٿيو.

پشاور جي بيٽرن شروع کان ئي جارحاڻي راند کيڏي، ڪپتان بابر اعظم 52 بالن تي ناقابل شڪست 100 رنسن جي اننگز کيڏي، هن 4 ڇڪا ۽ 6 چوڪا هنيا.

پشاور زلمي مقرر اوورن ۾ 3 وڪيٽن جي نقصان تي 255 رنسون ٺاهيون، ڪوشل مينڊس 83 جي شاندار اننگز کيڏي، آرون هارڊي 26، فرحان يوسف 19، محمد حارث 16 رنسون ٺاهيون.