ايران ۽ آمريڪا وچ ۾ وڌندڙ ڇڪتاڻ سبب عالمي مارڪيٽ ۾ خام تيل جون قيمتون لڳاتار چوٿين ڏينهن به وڌي ويون آهن. پرڏيهي خابرو اداري رائٽرز موجب، آمريڪا جي ايران تي تازي حملن کان پوءِ آبنائي هرمز ذريعي توانائي جي ترسيل ۾ رڪاوٽن جا خدشا وڌي ويا آهن، جنهن سبب تيل جي عالمي قيمتن ۾ واڌ رڪارڊ ڪئي وئي آهي. رپورٽ موجب برينٽ خام تيل جي قيمت 0.4 سيڪڙو اضافي سان 85.28 ڊالر في بيرل ۽ ڊبليو ٽي آءِ خام تيل جي قيمت 0.5 سيڪڙو واڌ کان پوءِ 80.02 ڊالر في بيرل ٿي وئي آهي. ماهرن جو چوڻ آهي ته جيڪڏهن خليجي ملڪن مان تيل جي برآمدات محدود رهيون ته برينٽ خام تيل جي قيمت 110 ڊالر في بيرل کان به وڌي سگهي ٿي.