سعودي عرب جي سرڪاري تيل ڪمپني آرامڪو ايندڙ مهيني لاءِ ايشيا ڏانهن برآمد ٿيندڙ پنهنجي عرب لائيٽ خام تيل جي قيمت ۾ وڏي گهٽتائي جو اعلان ڪيو آهي. بلومبرگ جي رپورٽ موجب ڪمپني عرب لائيٽ خام تيل جي قيمت في بيرل 11 ڊالر گهٽ ڪندي، جنهن کانپوءِ اهو علائقائي معيار جي ڀيٽ ۾ في بيرل 1.50 ڊالر رعايت سان دستياب هوندو. رپورٽ موجب اها گهٽتائي بلومبرگ جي سروي ۾ اڳڪٿي ڪيل 8 ڊالر في بيرل جي امڪاني گهٽتائي کان به وڌيڪ آهي، جنهن کي عالمي تيل مارڪيٽ لاءِ هڪ اهم ۽ غير متوقع قدم قرار ڏنو پيو وڃي.