لاهور ۾ پيٽروليم ڊيلرز ايسوسيئيشن سينٽرل پنجاب جي صدر چوڌري نعمان مجيد چيو آهي ته آئل مارڪيٽنگ ڪمپنين پيٽرول پمپن ڏانهن ايندھن جي فراهمي محدود ڪري ڇڏي آهي. هن پنهنجي بيان ۾ چيو ته اڄ شهر ۾ طلب جي مقابلي ۾ رڳو 50 سيڪڙو تيل فراهم ڪيو ويو آهي، جڏهن ته عالمي مارڪيٽ ۾ خام تيل جي قيمتن ۾ واڌ سبب سپلائي گهٽائي وئي آهي. هن وڌيڪ چيو ته سپلائي محدود ٿيڻ سبب ٻهراڙي وارن علائقن جا لڳ ڀڳ 90 سيڪڙو ۽ شهري علائقن جا 50 سيڪڙو پيٽرول پمپ متاثر ٿيا آهن. ٻئي طرف آئل مارڪيٽنگ ڪمپنين جو چوڻ آهي ته ڪسٽمز ڪليئرنس ۾ دير ٿي رهي آهي، اوگرا کي گهرجي ته سڄي ملڪ ۾ تيل جي دستيابي کي يقيني بڻائي. ڪمپنين موجب روزاني بنياد تي پيٽروليم شين جي قيمتن ۾ تبديلي وارو نظام عملي طور قابلِ عمل ناهي ۽ اهڙو بار بار ردوبدل نه عوام جي مفاد ۾ آهي ۽ نه ئي ڪاروبار لاءِ مناسب آهي.
