گوگل ميپس ۾ صارفين جي سهولت لاءِ هڪ نئين ڪارائتي فيچر جي آزمائش شروع ڪئي وئي آهي. گوگل ميپس ۾ صارف اهم هنڌن کي محفوظ ڪري انهن جون مختلف لسٽون تيار ڪري سگهن ٿا، جيڪي بعد ۾ آساني سان ڏسي سگهجن ٿيون. هن وقت محفوظ ڪيل هنڌن جي لسٽن کي هڪ هڪ ڪري ميپ تان لڪائڻو پوي ٿو، پر نئين فيچر تحت سڀني محفوظ هنڌن کي هڪ ئي وقت لڪائي سگهجي ويندو. اينڊرائيڊ اٿارٽي جي رپورٽ موجب هي فيچر گوگل ميپس جي نئين بيٽا ورزن ۾ نظر آيو آهي. رپورٽ مطابق ’آل سيود پليسز‘ نالي نئين آپشن ۾ سڀ محفوظ ڪيل هنڌ هڪ ئي لسٽ ۾ نظر ايندا، جڏهن ته ’هائيڊ آن يور ميپ‘ آپشن ذريعي انهن کي ميپ تان لڪائي سگهجي ويندو. آپشن تي ڪلڪ ڪرڻ کانپوءِ تصديقي پيغام پڻ ظاهر ٿيندو ۽ صارفين کي ٻڌايو ويندو ته محفوظ ڪيل لسٽن کي ٻيهر ڪيئن بحال ڪري سگهجي ٿو.