واٽس ايپ، جيڪو دنيا ۾ سڀ کان وڌيڪ استعمال ٿيندڙ ميسجنگ ايپ آهي، جلد هڪ اهڙو نئون فيچر متعارف ڪرائڻ وارو آهي جنهن جو صارفين ڊگهي عرصي کان انتظار ڪري رهيا هئا. رپورٽن موجب هاڻي صارف پنهنجا ميسيج اڳواٽ شيڊول ڪري سگهندا، جنهن سان رابطي جو عمل وڌيڪ آسان ۽ منظم ٿي ويندو.

WABetaInfo جي رپورٽ مطابق هي فيچر هن وقت iOS جي بيٽا ورزن ۾ ڏٺو ويو آهي. ان فيچر تحت صارف هڪ مخصوص تاريخ ۽ وقت چونڊي پنهنجو ميسيج پاڻمرادو موڪلي سگهندا. هي خاصيت خاص طور تي انهن ماڻهن لاءِ فائديمند هوندي جيڪي ڪم، ڪاروبار يا ذاتي رابطن کي اڳواٽ پلان ڪرڻ چاهين ٿا.

نئين آپشن ۾ شيڊول ميسيجز جو فيچر چيٽ انفارميشن سيڪشن ۾ موجود هوندو، جتان صارف موڪلڻ کان اڳ ميسيج کي ايڊٽ يا ڊليٽ به ڪري سگهندا. في الحال هي فيچر صرف بيٽا ٽيسٽنگ تائين محدود آهي ۽ ان جي عالمي سطح تي رليز بابت ڪا حتمي تاريخ سامهون نه آئي آهي