سون جي عالمي ۽ مقامي مارڪيٽن ۾ هڪ ڏينهن گهٽتائي کان پوءِ اڄ وڏي واڌ ٿي وئي آهي۔

بين الاقوامي بلين مارڪيٽ ۾ اڄ خميس ڏينهن في اونس سون جي قيمت ۾ 50 ڊالر جو اضافو ٿيو، جنهن کان پوءِ نئين عالمي قيمت 4 هزار 530 ڊالر في اونس جي سطح تي پهچي وئي۔

عالمي مارڪيٽ جي اثر هيٺ مقامي صرافه بازارن ۾ به اڄ ڪاروباري هفتي جي چوٿين ڏينهن 24 قيراط في تولو سون جي قيمت 5 هزار رپيا وڌي 4 لک 75 هزار 362 رپيا ٿي وئي۔

ساڳيءَ ريت مقامي سطح تي في 10 گرام سون جي قيمت 4 هزار 287 رپيا وڌي 4 لک 7 هزار 546 رپيا ٿي وئي۔

ان کان علاوه ملڪ ۾ في تولو چاندي جي قيمت 60 رپيا وڌي 8 هزار 034 رپيا ۽ في 10 گرام چاندي جي قيمت به 51 رپيا وڌي 6 هزار 887 رپين جي سطح تي پهچي وئي آهي۔

واضح رهي ته گذريل ڏينهن عالمي مارڪيٽ ۾ سون 68 ڊالر گهٽجي 4 هزار 480 ڊالر في اونس ٿي ويو هو، جڏهن ته مقامي سطح تي 6 هزار 800 رپيا گهٽجڻ سبب في تولو قيمت 4 لک 70 هزار 362 رپيا ۽ في 10 گرام قيمت 5 هزار 830 رپيا گهٽجي 4 لک 3 هزار 259 رپيا ٿي وئي هئي۔