بالي ووڊ جي سينيئر اداڪار اميتابھ بچن جي گهر “جلسا” ٻاهران هڪ مداح سخت گرمي سبب ڪيترائي ڪلاڪ انتظار ڪرڻ بعد بيهوش ٿي ڪري پيو۔ ڀارتي ميڊيا موجب اهو واقعو آچر ڏينهن پيش آيو، جڏهن سوين مداح اداڪار جي هڪ جهاتي ڏسڻ لاءِ گڏ ٿيا هئا۔ انسٽاگرام تي شيئر ٿيل وڊيو ۾ ڏسي سگهجي ٿو ته هڪ مداح اوچتو روڊ تي ڪري پيو، جنهن بعد ڀرسان موجود ماڻهن فوراً کيس سهارو ڏئي محفوظ هنڌ تي ويهاريو۔ اميتابھ بچن اڪثر آچر ڏينهن مداحن سان ملاقات جون تصويرون ۽ وڊيوز پنهنجي بلاگ تي شيئر ڪندا آهن، جڏهن ته هن تازو پنهنجي سيڪيورٽي ٽيم کي هدايت ڪئي هئي ته مداحن سان سٺو ورتاءُ ڪيو وڃي۔