مشهور ڀارتي ڳائڻي سمن ڪليانپور 89 ورهين جي عمر ۾ لاڏاڻو ڪري وئي.

ڀارتي ميڊيا موجب مرحومه اتوار جي شام ممبئي ۾ پنهنجي رهائشگاهه تي عمر سان لاڳاپيل بيمارين سبب وفات ڪري وئي.

سمن ڪليانپور 1960 ۽ 1970 جي ڏهاڪي ۾ پنهنجي سريلي آواز سبب تمام گهڻي مقبول ٿي وئي هئي.

هن جا مشهور گانا “نہ نہ کرتے پیار تم ہی سے کر بیٹھے”، “تم نے پکارا اور ہم چلے آئے” ۽ “آج کل تیرے میرے پیار کے چرچے” شامل آهن.

هوءَ هندي، مراٺي، آسامِي، ڪنڙ، بنگالي ۽ اوڙيا سميت ڪيترين ٻولين ۾ گيت ڳائيندي هئي. ان کان علاوه هن ڀجن، غزل ۽ ٺمري پڻ پيش ڪيا.

سمن ڪليانپور جي ويجهي دوست ۽ سوانح نگار منگلا موجب، وفات کان ڪجهه ڏينهن اڳ هوءَ پنهنجا ئي گانا ٻڌي رهي هئي.