پاڪستان شوبز انڊسٽري جي سينيئر اداڪاره بشرا انصاري ملڪ ۾ وڌندڙ آبادي ۽ خانداني منصوبابندي بابت پنهنجن خدشن جو اظهار ڪيو آهي۔

تازو هڪ خانگي ٽي وي پروگرام ۾ شرڪت دوران ميزبان سان مختلف سنجيده ۽ مزاحيه موضوعن تي ڳالهه ٻولهه ٿي، جنهن دوران پاڪستان جي آبادي جو موضوع به اٿاريو ويو۔

ان تي اداڪاره چيو ته هوءَ آبادي جي مسئلي تي گهڻو ڳالهائيندي آهي ۽ دعا ڪري ٿي ته الله ملڪ تي رحم ڪري۔

هن وڌيڪ چيو ته اڳي آبادي گهٽائڻ لاءِ “وقفو ڏيو” جهڙا بورڊ لڳايا ويندا هئا، پر هاڻي اهي هٽايا ويا آهن۔

بشرا انصاري جو چوڻ هو ته الله روزي جو وعدو ضرور ڪيو آهي، پر انسان کي عقل به ڏنو آهي، تنهنڪري ملڪ ۽ ٻارن جي مستقبل بابت سوچڻ ضروري آهي۔ هن چيو ته ڪجهه خاندانن ۾ 5، 6 ۽ ڪٿي 9 ٻار به آهن، جيڪي اڳ ئي موجود ماڻهن لاءِ به تڪليف جو سبب بڻجي رهيا آهن۔