مومنہ اقبال جي محبت ۾ ناڪامي بابت پراڻي وڊيو سوشل ميڊيا تي تيزي سان وائرل ٿي رهي آهي۔
سوشل ميڊيا تي وائرل ٿيندڙ هڪ انٽرويو ۾ مومنہ اقبال محبت، زندگي ۽ ذاتي تجربن بابت کلي ڳالهه ڪئي۔
اداڪاره چيو ته پنهنجي والد جي وفات کان پوءِ هن ۾ تمام گهڻي همت ۽ طاقت پيدا ٿي، ۽ هاڻي هوءَ پنهنجي خاندان لاءِ جيترو ٿي سگهي اوترو ڪرڻ جي ڪوشش ڪري ٿي۔
محبت بابت ڳالهائيندي مومنہ اقبال چيو ته هن صرف هڪ ئي انسان سان سچي محبت ڪئي، پر جيڪڏهن سامهون وارو ماڻهو گهٽ ظرف ۽ خراب سوچ وارو هجي ته پوءِ رشتا ختم ٿي ويندا آهن۔ هن چيو ته ماڻهو ڪنهن لاءِ دل مان محبت ختم نٿو ڪري سگهي، پر پوءِ رستو الڳ ڪري ڇڏيندو آهي۔
هڪ سوال جي جواب ۾ اداڪاره چيو ته هاڻي کيس ٻيهر محبت ٿيڻ ممڪن نٿي لڳي، ۽ هوءَ پنهنجي ويجهن ماڻهن سان خوش آهي۔ سندس چوڻ هو ته کيس لڳي ٿو دنيا ۾ سچا مرد ناياب ٿي ويا آهن۔
واضح رهي ته ڪجهه ڏينهن اڳ اداڪاره پنهنجي سوشل ميڊيا اسٽوري ذريعي انڪشاف ڪيو هو ته هڪ بااثر سياسي شخصيت طرفان کيس ۽ سندس خاندان کي جان کان مارڻ جون ڌمڪيون ڏنيون پيون وڃن، جنهن بابت جاچ جاري آهي۔
