اسلام آباد: وفاقي بجيٽ هاڻي 5 جون تي پيش نه ڪيو ويندو. ذريعن موجب 3 جون تي ٿيندڙ قومي اقتصادي ڪائونسل جو اجلاس ملتوي ڪيو ويو آهي، جنهن بابت باقاعده نوٽيفڪيشن پڻ جاري ڪيو ويو آهي. ذريعن جو چوڻ آهي ته وفاقي بجيٽ پيش ڪرڻ جي نئين تاريخ اڃا تائين طئي نه ٿي سگهي آهي، جڏهن ته بجيٽ 8 يا 12 جون تي پيش ٿيڻ جو امڪان ظاهر ڪيو پيو وڃي. نوٽيفڪيشن موجب قومي اقتصادي ڪائونسل جي اجلاس جي نئين تاريخ جو اعلان بعد ۾ ڪيو ويندو.
