انگلينڊ جي ٽيسٽ ٽيم جي ڪپتان جو روٽ ٽيسٽ ڪرڪيٽ ۾ سڀ کان وڌيڪ ڪيچز ڪندڙ فيلڊر جو عالمي رڪارڊ پنهنجي نالي ڪري ورتو آهي
هيڊنگلي ۾ پاڪستان خلاف پهرين ٽيسٽ جي ٽئين ڏينهن جو روٽ تاريخ رقم ڪندي آسٽريليا جي اسٽار ڪرڪيٽر اسٽيو سمٿ کي پوئتي ڇڏي ڏنو. روٽ وڪيٽ ڪيپر کانسواءِ ٽيسٽ ڪرڪيٽ ۾ سڀ کان وڌيڪ ڪيچز وٺندڙ فيلڊر بڻجي ويو آهي.
پاڪستان جي ٻي اننگز دوران جوفرا آرچر جي بال تي ازان اويس جو ڪيچ ليگ سلپ تي پڪڙي روٽ اسٽيو سمٿ جو 218 ڪيچز وارو رڪارڊ ٽوڙي ڇڏيو. اهو روٽ جو ٽيسٽ ڪرڪيٽ ۾ 219هون ڪيچ هو.
ان سان گڏ جو روٽ ٽيسٽ ڪرڪيٽ جي تاريخ ۾ غير وڪيٽ ڪيپر فيلڊرن مان سڀ کان وڌيڪ ڪيچز وٺندڙ رانديگر بڻجي ويو، جڏهن ته اسٽيو سمٿ 218 ڪيچز سان ٻئي نمبر تي آهي.
واضح رهي ته پهرين ٽيسٽ ۾ انگلينڊ پاڪستان کي هڪ اننگز ۽ 103 رنسن تان شڪست ڏئي ٽن ميچن جي سيريز ۾ 1-0 جي برتري حاصل ڪري ورتي. پاڪستان ٻي اننگز ۾ 135 رنسن تي آل آئوٽ ٿيو.
