لاهور: اولمپڪ گولڊ ميڊلسٽ ارشد نديم پرڏيهي ملڪ ۾ ٽريننگ ڪرڻ جو فيصلو ڪري ورتو آهي

ذريعن موجب اولمپئن ارشد نديم 21 آگسٽ تي لوزين ڊائمنڊ ليگ ۾ حصو نه وٺندو، لوزين ڊائمنڊ ليگ جي انٽري لسٽ ۾ سندس نالو شامل ڪيو ويو هو.

ذريعن جو چوڻ آهي ته جيولين ٿروَر ارشد نديم هاڻي ڏکڻ آفريڪا ۾ ٽريننگ ڪندو، هو ان کان اڳ به ٻه ڀيرا ڏکڻ آفريڪا ۾ ٽريننگ ڪري چڪو آهي.

ارشد نديم کي ويزا ملندي ئي پهرين دستياب فلائيٽ ذريعي آفريڪا روانو ٿي ويندو، جتي ٽريننگ کانپوءِ هو ورلڊ ائٿليٽڪس الٽيميٽ چيمپئن شپ ۾ حصو وٺندو.

ورلڊ ائٿليٽڪس الٽيميٽ چيمپئن شپ 6 کان 14 سيپٽمبر تائين بوڊاپيسٽ ۾ ٿيندي، جڏهن ته ارشد نديم الٽيميٽ چيمپئن شپ کانپوءِ ايشين گيمز ۾ حصو وٺندو.