ڪراچي: پاڪستان اسٽاڪ ايڪسچينج ۾ اڄ ڪاروبار دوران مثبت رجحان ڏسڻ ۾ آيو، جتي خريداري جي لهر سبب انڊيڪس ۾ زبردست تيزي رڪارڊ ڪئي وئي۔ آمريڪا ۽ ايران جي وچ ۾ متوقع معاهدي جون خبرون سامهون اچڻ بعد مارڪيٽ ۾ اعتماد وڌيو، جنهن سبب پي ايس ايڪس جو 100 انڊيڪس 4,013 پوائنٽن جي اضافي سان هڪ لک 71 هزار 857 پوائنٽن جي سطح تي پهچي ويو۔ عيد جي موڪلن کان اڳ سيڙپڪارن جي سرگرمي به وڌيل رهي، جڏهن ته ايشيائي اسٽاڪ مارڪيٽن ۾ به مثبت رجحان ڏسڻ ۾ آيو۔
