ممبئي: بالي ووڊ جو دبنگ اداڪار سلمان خان هڪ تقريب دوران رش ۾ ڦاسي پيو، جنهن کانپوءِ خان جي سيڪيورٽي تي سوال اٿڻ شروع ٿي ويا. بالي ووڊ سپر اسٽار سلمان خان کي هڪ عوامي تقريب دوران غير متوقع صورتحال جو منهن ڏسڻو پيو ، جنهن کانپوءِ سندس سيڪيورٽي انتظامن بابت سنگين سوال اٿڻ شروع ٿيا. اهو واقعو ممبئي ويجهو ٿاني جي هڪ اسٽيڊيم ۾ پيش آيو، جتي اداڪار مداحن سان ملڻ لاءِ پهتو هو. جيئن ئي سلمان خان اسٽيج تي پهتو، مداحن جو هڪ وڏو انگ بي قابو ٿي سلمان تائين پهچڻ جي ڪوشش ڪرڻ لڳو. رش ايتري وڌي وئي جو سيڪيورٽي اهلڪارن لاءِ صورتحال سنڀالڻ ڏکي ٿي وئي، رپورٽن موجب سيڪيورٽي ٽيم ميڙ کي ڪنٽرول ڪرڻ ۾ ناڪام ٿي وئي، جنهن کانپوءِ پوليس مداخلت ڪري سلمان خان کي محفوظ هنڌ منتقل ڪري ڇڏيو، خوشقسمتي سان اداڪار کي ڪو به نقصان نه پهتو. ٻئي طرف سلمان خان جا فلمي منصوبا جاري آهن، سندس ايندڙ فلم ‘ماتر ڀومي’ آگسٽ 2026 ۾ رليز ٿيندي، سلمان هڪ ٻئي وڏي منصوبي ۾ ڏکڻ هندستان جي اداڪاره نين تارا جي مقابلي ۾ نظر ايندو.