غزه: غزه ۾ جنگبندي باوجود اسرائيلي فوج جون ڀڃڪڙيون جاري آهن، جن جي نتيجي ۾ 9 ورهين جي هڪ نينگري سميت وڌيڪ 6 فلسطيني شهيد ٿي ويا.
پرڏيهي ميڊيا موجب، اسرائيلي فوج غزه جي مختلف علائقن تي فائرنگ ۽ حملا جاري رکيا، جنهن سبب ڪيترائي فلسطيني شهيد ۽ زخمي ٿيا. شهيدن ۾ 9 ورهين جي هڪ نينگري پڻ شامل آهي.
رپورٽن موجب، جنگبندي باوجود اسرائيلي ڪاررواين سبب غزه ۾ عام شهرين جي جاني نقصان جو سلسلو جاري آهي، جڏهن ته ڪيترائي رهائشي علائقا به متاثر ٿيا آهن.
فلسطيني اختيارين ۽ امدادي ادارن اسرائيلي فوج تي جنگبندي جي بار بار ڀڃڪڙي جو الزام لڳائيندي عالمي برادري کان فوري مداخلت ۽ شهرين جي تحفظ لاءِ اثرائتا قدم کڻڻ جو مطالبو ڪيو آهي.
