ڪراچي ۾ اليڪٽرڪ بس سروس چارجنگ اسٽيشن تي فني خرابي سبب جزوي طور متاثر ٿي آهي.

پيپلز بس سروس ڪراچي جي انتظاميا موجب مهراڻ ڊپو ۾ گذريل ٽن ڏينهن کان بجلي جي فراهمي فني خرابي سبب معطل آهي، جنهن سبب اليڪٽرڪ بسون هلائڻ بدران عارضي طور هائبرڊ بسون هلائيون پيون وڃن.

انتظاميا جو چوڻ آهي ته اي وي-1 (ملير ڪينٽ کان سي ويو)، اي وي-3 (ملير ڪينٽ کان نمائش) ۽ آر-1 پنڪ بس (کھوکره پار کان ڊاڪيارڊ) اهي سڀ روٽ مهراڻ ڊپو مان هلن ٿا.

انتظاميا خبردار ڪيو آهي ته جيڪڏهن بجلي جي فراهمي جلد بحال نه ڪئي وئي ته انهن روٽن تي اليڪٽرڪ بس سروس مڪمل طور معطل ڪرڻ تي مجبور ٿي سگهن ٿا.