ائٽلانٽا جو رهواسي ڀارتي نژاد شهري ديو فجي پنهنجي شاديءَ کان صرف چند ڪلاڪن پوءِ هيليڪاپٽر حادثي ۾ فوت ٿي ويو۔
آمريڪا جي شهر ائٽلانٽا جو رهواسي ڀارتي نژاد 25 ورهين جو ديو فجي پنهنجي شاديءَ جي تقريب کان صرف چند ڪلاڪن پوءِ هيليڪاپٽر حادثي ۾ فوت ٿي ويو.
ميڊيا رپورٽن موجب ديو فجي پنهنجي نئين شادي شده زال سان گڏ هيليڪاپٽر ۾ سفر ڪري رهيو هو، جڏهن ڊاسن ڪائونٽي ڀرسان سندن هيليڪاپٽر ڪري تباهه ٿي ويو. حادثي ۾ ديو فجي ۽ هيليڪاپٽر جو پائلٽ فوت ٿي ويا، جڏهن ته سندس گهرواري زخمي ٿي پئي، جنهن کي فوري طور اسپتال منتقل ڪيو ويو.
رپورٽن مطابق ديو فجي جا والدين جارج ۽ فيبا فجي ڪيترائي سال اڳ ڀارت جي رياست ڪيرالا مان آمريڪا لڏي آيا هئا. ديو ۽ سندس زال شاديءَ جي تقريب ختم ٿيڻ کان پوءِ هيليڪاپٽر ذريعي ايئرپورٽ ڏانهن روانا ٿيا هئا، پر رستي ۾ موسم خراب ٿيڻ سبب هيليڪاپٽر حادثي جو شڪار ٿي ويو.
