اسلام آباد (ويب ڊيسڪ) پاڪ فوج پاران خيبرپختونخوا جي ضلعي اتر وزيرستان ۾ آپريشن ڪندي فتنا الخوارج سان واستو رکندڙ 22 دهشتگردن کي جهنم ڀيڙو ڪري ڇڏيو.

رپورٽ موجب پاڪ فوج جي شعبي آءِ ايس پي آر موجب 17 مئي کان اتر وزيرستان جي علائقي شيوا ۾ ڪليئرنس وسينيٽائزيشن آپريشن جاري آهي، آپريشن دوران پاڪ فوج خارجين جي ٿاڪن کي نشانو بڻايو.

آءِ ايس پي آر موجب گذريل 24 ڪلاڪن ۾ فتنا الخوارج سان واستو رکندڙ 22 دهشتگردن کي ماريو ويو، جهنم ڀيڙو ٿيندڙ دهشتگردن جي قبضي مان هٿيار ۽ توپ نڪتا، مارجي ويندڙ دهشتگرد علائقي ۾ مختلف دهشتگردي ڪارروائين ۾ ملوث هيا.

آءِ ايس پي آءَ موجب ثبوتن سان اهو به ثابت ٿيو ته خارجين مقامي ماڻهن کي ڌمڪين ۽ جبر هيٺ رکيو، خارجين محفوظ اچ وڃ لاءِ مقامي آبادي کي استعمال ڪيو، معصوم شهرين کي خطري هيٺ رکڻ جي اجازت نٿي ڏئي سگهجي.

آءِ ايس پي آر موجب علائقي ۾ ڪليئرنس آپريشن جاري آهي، پاڪ فوج علائقي جو موثر ڪنٽرول ڪيو آهي.