شہباز شریف چار ڏينهن جي سرڪاري دوري تي چين پهچي ويو آهي، جتي دوري جي پهرين مرحلي ۾ هو هانگژو پهتو۔

شياؤ شين ايئرپورٽ تي وزيراعظم جو استقبال ژيجيانگ صوبي جي نائب گورنر شو وينگوانگ، پاڪستان ۾ چين جي سفير جیانگ زائیڈونگ ۽ چين ۾ پاڪستان جي سفير خلیل ہاشمی ڪيو۔

وزيراعظم سان گڏ اسحاق ڈار، احسن اقبال، عطاء اللہ تارڑ، شزہ فاطمہ خواجہ ۽ معاونِ خصوصي طارق فاطمي پڻ موجود آهن۔

تفصيلن موجب وزيراعظم جي هانگژو ۾ ژيجيانگ صوبي جي پارٽي سيڪريٽري وانگ هاؤ سان اهم ملاقات ٿيندي۔ ان کان علاوه وزيراعظم سی پیک فیز 2 تحت پاڪستاني ۽ چيني ڪمپنين وچ ۾ سهڪار وڌائڻ لاءِ منعقد بزنس فورم ۾ به شرڪت ڪندو۔

ان موقعي تي مختلف معاهدن ۽ مفاهمتي يادداشتن جي مٽاسٽا جي تقريب پڻ منعقد ڪئي ويندي۔

وزيراعظم جي دوري دوران مشهور چيني ڪمپنين جي سي اي اوز سان به اهم ملاقاتون طئي آهن۔ هو علی بابا جي هيڊڪوارٽر جو دورو پڻ ڪندو، جتي ٻنهي ملڪن وچ ۾ واپاري لاڳاپن کي وڌيڪ مضبوط ڪرڻ لاءِ مفاهمتي يادداشتن تي صحيحون ڪيون وينديون۔