دنيا جي 21 نامياري اڳوڻن ڪرڪيٽ ڪپتانن پاڪستان جي وزيراعظم محمد شهباز شريف کي ٻيهر خط لکي باني پي ٽي آءِ ۽ اڳوڻي ڪپتان عمران خان جي طبي علاج بابت پنهنجي اپيل ورجائي آهي.

خط ۾ چيو ويو آهي ته تازيون اڳڀرائيون سپريم ڪورٽ جي هدايتن مطابق نه آهن. خط تي صحيح ڪندڙن ۾ مائيڪل ايٿرٽن، ايلڪس بليڪ ويل، ايلن بارڊر، مائيڪل بريئرلي، گريگ چيپل، ايئن چيپل، بيلنڊا ڪلارڪ، اليسٽر ڪڪ، مائيڪ گيٽنگ، سني گواسڪر، لي جرمائن، ايڊم گلڪرسٽ، ڊيوڊ گاور، ڪِم هيوز، ناصر حسين، ڪلائيو لائيڊ، ڪپل ديو، ارجنا راناٽنگا، اينڊريو اسٽراس، دليپ وينگسارڪر، اسٽيو وا ۽ جان رائٽ شامل آهن.

خط ۾ چيو ويو آهي ته پاڪستان جي سپريم ڪورٽ حڪم ڏنو هو ته عمران خان کي اسپتال منتقل ڪيو وڃي ته جيئن طبي بورڊ سندس معائنو ڪري سگهي. بورڊ ۾ عمران خان جا ذاتي ڊاڪٽر ۽ سندس ڀيڻ ڊاڪٽر عظميٰ خان پڻ شامل ٿيڻا هئا. عدالت خاندان سان هفتيوار ملاقاتن جو سلسلو بحال ڪرڻ جي پڻ هدايت ڪئي هئي.