گڏيل قومن جي اداري يونيسڪو پاڪستان جي 12 تاريخي ۽ ثقافتي ماڳن کي عالمي ورثي جي عارضي فهرست ۾ شامل ڪري ورتو آهي

خيبر پختونخوا جي ضلعي چترال جي وادي ڪيلاش سميت 4 ماڳ، سنڌ جا ڪوٽ ڏيجي، ناؤڪوٽ ۽ عمرڪوٽ جا تاريخي قلعا، جڏهن ته پنجاب جا پيروالا قلعو، روات قلعو ۽ سلطان مقرب خان جو مقبرو عالمي ورثي جي عارضي فهرست ۾ شامل ڪيا ويا آهن.

نئين ماڳن جي شموليت کانپوءِ يونيسڪو جي عارضي فهرست ۾ شامل پاڪستاني ماڳن جو مجموعي انگ 37 ٿي ويو آهي. عارضي فهرست ۾ شامل ٿيڻ عالمي ورثي جو درجو حاصل ڪرڻ طرف هڪ اهم ابتدائي قدم سمجهيو وڃي ٿو، جنهن سان پاڪستان جي تاريخي ۽ ثقافتي ورثي کي عالمي سطح تي اجاگر ڪرڻ ۾ مدد ملندي.

ماهرن موجب انهن ماڳن جي يونيسڪو جي فهرست ۾ شموليت سان ثقافتي ورثي جي تحفظ، سياحت جي فروغ ۽ مقامي معيشتن کي هٿي ملڻ جي اميد آهي.