نائب وزيراعظم ۽ پرڏيهي وزير اسحاق ڊار برطانيا جي سرڪاري دوري تي لنڊن پهچي ويو آهي. اسحاق ڊار 24 کان 28 آگسٽ تائين برطانيا ۾ قيام ڪندو، جتي هو برطانوي حڪومت جي اعليٰ عملدارن ۽ عالمي ادارن جي سربراهن سان ملاقاتون ڪندو
پرڏيهي وزارت موجب اسحاق ڊار جي برطانوي پرڏيهي وزير ايڊ ملي بينڊ سان ملاقات متوقع آهي، جڏهن ته هو برطانوي حڪومت جي ٻين اعليٰ عملدارن سان پڻ ملاقاتون ڪندو.
انٽرنيشنل ميري ٽائيم آرگنائيزيشن جي سيڪريٽري جنرل سان ملاقات دوران اسحاق ڊار صومالي قزاقن هٿان يرغمال بڻيل پاڪستاني عملي جو معاملو پڻ اٿاريندو. پرڏيهي وزارت موجب ملاقات ۾ علائقائي سامونڊي سلامتي تي پڻ خيالن جي ڏي وٺ ڪئي ويندي.
اسحاق ڊار دولت مشترڪه جي سيڪريٽري جنرل شرلي ايورڪور بوچوي سان پڻ ملاقات ڪندو.
