مظفرآباد: آزاد ڪشمير جي قانون ساز اسيمبلي ۾ مخصوص سيٽن تي چونڊ لاءِ پولنگ شروع ٿي وئي آهي.

آزاد ڄمون ڪشمير جي قانون ساز اسيمبلي ۾ 8 مخصوص سيٽن جي چونڊ لاءِ پولنگ جو عمل صبح 10 وڳي کان منجهند 2 وڳي تائين جاري رهندو. اليڪشن ڪميشن جو سيڪريٽري پولنگ جو پريزائيڊنگ آفيسر هوندو.

پيپلز پارٽي جي اسيمبلي ميمبر ماجد خان پهريون ووٽ ڪاسٽ ڪيو. 5 عورتن، هڪ ٽيڪنوڪريٽ، هڪ علما ۽ مشائخ ۽ هڪ اوورسيز ڪشميري جي سيٽ لاءِ پولنگ ٿي رهي آهي.

اسيمبلي جي ايوان جي تڪميل کانپوءِ نوان چونڊيل ميمبر حلف کڻندا، جنهن کانپوءِ اسپيڪر ۽ ڊپٽي اسپيڪر جي چونڊ ڪئي ويندي.

واضح رهي ته پونڇ ۽ سدهنوتي ۾ چونڊون نه ٿيڻ سبب 7 ميمبرن کانسواءِ حڪومت سازي جو عمل مڪمل ڪيو پيو وڃي.