لنڊن: برطانيا جي علائقي رچمنڊ ۾ واقع تاريخي گهر، جتي پاڪستان جي اڳوڻي وزيراعظم عمران خان پنهنجي اڳوڻي گهرواري جمائمه خان ۽ سندس والده ليڊي اينابيل گولڊ اسمتھ سان شادي دوران ۽ طلاق کان پوءِ ڪيترن ئي سالن تائين رهائش اختيار ڪئي، هاڻي 2 ڪروڙ 50 لک پائونڊ (25 ملين پائونڊ) جي طلب ڪيل قيمت سان وڪري لاءِ مارڪيٽ ۾ پيش ڪيو ويو آهي.

اورملي لاج (Ormeley Lodge) نالي سان مشهور هي الڳ ٿلڳ ملڪيت 10 بيڊرومن تي مشتمل آهي، جيڪا ڏکڻ اولهه لنڊن جي علائقي رچمنڊ ۾ هيم ڪامن (Ham Common) تي رچمنڊ پارڪ (Richmond Park) جي ويجهو واقع آهي.

ملڪيت جي تفصيلن موجب، جارجين دور جي شروعاتي زماني جو هي گهر لڳ ڀڳ 15,814 چورس فوٽن تي پکڙيل آهي، جنهن ۾ 7 باٿ روم، خوبصورت باغ ۽ هڪ ننڍڙو گهر (ڪاٽيج) پڻ شامل آهي.

هي اهو ئي هنڌ آهي، جتان عمران خان 2006ع ۾ ملڪ جي تاريخ جي تباهه ڪندڙ ٻوڏ کانپوءِ جيو نيوز جي "پڪار" مهم لاءِ باقاعدگي سان پروگرام ۽ پيغام رڪارڊ ڪرائيندو هو.