اسلام آباد: پي ٽي آءِ باني عمران خان کي اسپتال مان واپس اڊيالا جيل منتقل ڪيو ويو آهي. جيل ذريعن موجب عمران خان کي انتهائي سخت سيڪيورٽي ۾ اسپتال کان اڊيالا جيل آندو ويو، جتي کيس ٻيهر سندس سيل ۾ منتقل ڪيو ويو. واضح رهي ته عمران خان کي اڌ رات جو اڊيالا جيل مان پمز اسپتال منتقل ڪيو ويو هو. اسپتال ذريعن موجب عمران خان جو طبي معائنو ڪيو ويو، جنهن لاءِ 6 ماهر ڊاڪٽرن تي ٻڌل ٽيم مقرر ڪئي وئي هئي. طبي معائني کانپوءِ کيس اسپتال ۾ داخل ڪرڻ بابت فيصلو ٿيڻ وارو هو. ٻئي طرف خميس جي صبح سپريم ڪورٽ جي رجسٽرار آفيس عمران خان کي اسپتال منتقل ڪرڻ خلاف گذريل ڏينهن داخل ڪيل نظرثاني درخواست ڪجهه اعتراضن سان واپس ڪري ڇڏي هئي. وفاقي وزير طارق فضل چوڌري عمران خان کي پرڏيهه موڪلڻ جو امڪان پڻ ظاهر ڪيو آهي.