لاهور: پنجاب ۾ مڪاني چونڊون ڊسمبر جي آخري هفتي ۾ ڪرائڻ جو امڪان آهي. ذريعن موجب پنجاب حڪومت اليڪشن ڪميشن کي 15 ڊسمبر کان 15 جنوري جي وچ ۾ چونڊون ڪرائڻ جي تجويز ڏني آهي. ذريعن جو چوڻ آهي ته اليڪشن ڪميشن پنجاب حڪومت جي تجويز سان اتفاق ڪيو آهي، جڏهن ته مڪاني چونڊون 3 مرحلن ۾ ڪرائڻ جو امڪان آهي. پنجاب جي مڪاني حڪومت واري وزير ذيشان رفيق چيو آهي ته اليڪشن ڪميشن طرفان جيڪا به تاريخ ڏني ويندي، ان تي مڪاني چونڊون ڪرايون وينديون. هن چيو ته وڏي وزير پنجاب مڪاني چونڊون ڪرائڻ لاءِ پرعزم آهي، جڏهن ته وسيلن جي فراهمي ۽ سيڪيورٽي انتظامن لاءِ وقت گهربل آهي، ان ڪري صوبائي حڪومت مرحليوار چونڊون ڪرائڻ چاهي ٿي.