ڪراچي ۾ ڪتابن جي وڪري جو بهانو بڻائي وارداتون ڪندڙ ٽولو سرگرم ٿي ويو آهي.

جيو نيوز موجب، شاهراهه قائدين تي الله والا سگنل وٽ هڪ جوابدار بيٺل گاڏي سان ٽڪرائجڻ جو بهانو بڻائي گاڏي جو پاسي وارو شيشو ٽوڙي ڇڏيو. جڏهن شهري ان ڏانهن ڌيان ڏنو ۽ شيشو هيٺ ڪري ساڻس پڇا ڳاڇا شروع ڪئي ته سندس ساٿي گاڏي جي پوئين پاسي کان زور زور سان هٿ هڻڻ لڳو.

جڏهن شهري پوئتي مُڙي ڏٺو ته ڪتاب وڪڻندڙ جوابدار شهري کان موبائل فون ڦري فرار ٿي ويو.

فيروزآباد پوليس موجب، اهڙيون ڪيترين ئي وارداتون پيش اچي چڪيون آهن. ڪجهه جوابدار تار جي مدد سان گاڏي جي ونڊ اسڪرين کي گندو ڪري جهيڙو پيدا ڪن ٿا ۽ پوءِ واردات ڪن ٿا.