محڪمه ٽپال جي آڊٽ ۾ 63 ارب رپين جو وڏو مالي تضاد سامهون اچي ويو

محڪمه ٽپال جي تازي آڊٽ رپورٽ ۾ 63 ارب رپين کان وڌيڪ جي مالي بيقاعدگين ۽ تضادن جو انڪشاف ٿيو آهي.

رپورٽ موجب هن مالي تضاد جو سڀ کان وڏو حصو ڪمرشل بئنڪن ۾ اڪائونٽن جي غير قانوني انتظام سان لاڳاپيل 5 معاملن تي ٻڌل آهي، جن ۾ 42 ارب رپين جي وڏي رقم شامل آهي.

تازن آڊٽ انڪشافن مطابق مالي سال 2024-25 دوران وزارت مواصلات جي ماتحت پوسٽل سيڪٽر (محڪمه ٽپال) جي کاتن ۾ 63 ارب رپين کان وڌيڪ جون مالي بيقاعدگيون سامهون آيون آهن.

آڊٽ رپورٽ 2025-26 موجب مجموعي مالي بيقاعدگين جو وڏو حصو ڪمرشل بئنڪن سان کاتن جي غير مجاز انتظام جي پنجن مختلف معاملن سان لاڳاپيل آهي، جن ۾ 40 ارب رپين کان وڌيڪ جي رقم شامل آهي.

رپورٽ ۾ وڌيڪ ٻڌايو ويو آهي ته مختلف عنوانن هيٺ 12 وڏا مالي تضاد پڻ سامهون آيا آهن، جن جي مجموعي ماليت 20 ارب رپين کان وڌيڪ آهي.

ان کانسواءِ واجب الوصول ۽ اڃا تائين وصول نه ڪيل رقوم بابت 2 معاملا پڻ رپورٽ ٿيا آهن، جن جي ماليت هڪ ارب رپين کان وڌيڪ ٻڌائي وئي آهي.