ڪراچي ۾ اڄ تيز هوائن ۽ هلڪي بوندا باندي جو امڪان

موسميات کاتي ايندڙ 24 ڪلاڪن دوران ڪراچي ۾ تيز هوائون هلڻ ۽ ڪجهه علائقن ۾ هلڪي بوندا باندي جو امڪان ظاهر ڪيو آهي.

موسميات کاتي موجب ايندڙ 24 ڪلاڪن دوران آسمان جزوي طور ڪڪرآلود رهندو، جڏهن ته موسم گرم ۽ نمي واري رهڻ جو امڪان آهي. ان دوران شهر ۾ تيز سامونڊي هوائون هلنديون ۽ ڪجهه هنڌن تي هلڪي بوندا باندي به ٿي سگهي ٿي.

کاتي موجب ايندڙ 24 ڪلاڪن دوران وڌ ۾ وڌ گرمي پد 33 کان 35 ڊگري سينٽي گريڊ رهڻ جو امڪان آهي، جڏهن ته گذريل 24 ڪلاڪن دوران گهٽ ۾ گهٽ گرمي پد 28.5 ڊگري سينٽي گريڊ رڪارڊ ڪيو ويو.

موسميات کاتي موجب هوا ۾ نمي جو تناسب 78 سيڪڙو آهي، جڏهن ته سامونڊي هوائون 18 ڪلوميٽر في ڪلاڪ جي رفتار سان هلي رهيون آهن.