نيويارڪ: آمريڪي ڳائڻي ٽيلر سوئفٽ جي شادي واري هنڌ جي ٻاهران گڏ ڪيل ڪچرو به مهانگن اگهن ۾ وڪرو ٿيڻ لڳو آهي.

پرڏيهي خابرو اداري موجب، نيويارڪ جي آرٽسٽ جسٽن گگنيڪ ميڊيسن اسڪوائر گارڊن جي ڀرپاسي وارين گهٽين مان اهي شيون ان وقت گڏ ڪيون، جڏهن اتي ٽيلر سوئفٽ ۽ ٽريوس ڪيلسي جي شادي جي تقريب جاري هئي.

وڪري لاءِ پيش ڪيل شين ۾ بوتلن جا ڍڪ، ڪينڊي، پوليس جي وارننگ ٽيپ، اسٽرا، برتن ۽ هڪ ايئرپوڊ پڻ شامل هو. هر شيءِ جي قيمت 25 آمريڪي ڊالر مقرر ڪئي وئي، ۽ اهي سڀ شيون 24 ڪلاڪن اندر وڪامي ويون.

جسٽن گگنيڪ موجب، اڪثر خريدار ٽيلر سوئفٽ جا مداح هئا، جيڪي شادي سان لاڳاپيل ڪا يادگار حاصل ڪرڻ چاهيندا هئا. هن هر شيءِ کي آرٽ جو نمونو قرار ڏيندي ننڍڙن پلاسٽڪ ڪيوبن ۾ محفوظ ڪري پيش ڪيو.

آرٽسٽ جو چوڻ آهي ته هيل تائين هو 50 شيون وڪڻي 1,250 آمريڪي ڊالر ڪمائي چڪو آهي، جڏهن ته امڪان آهي ته وڌيڪ شيون به وڪري لاءِ پيش ڪيون وينديون.