ويسے ته انٽرنيٽ تي هر شيءِ کي ڄاڻڻ لاءِ ماڻهو گوگل ڏانهن رخ ڪندا آهن، پر هاڻي جڏهن ڪو ماڻهو انگريزي يا ڪنهن ٻي ٻولي ۾ ڳالهائيندو جيڪو سمجهڻ يا ڳالهائڻ ڏکيو لڳي، ته گوگل واقعي ان ۾ توهان جي مدد ڪندو.

هاڻي گوگل هڪ نئون آرٽيفيشل انٽيليجنس (AI) ٽول متعارف ڪرايو آهي جيڪو رئيل ٽائيم ۾ ڪنهن به فرد جي گفتگو جو ترجمو ڪندو ته جيئن توهان ڪنهن به ماڻهو سان ٻي ٻولي ۾ بهتر انداز سان ڳالهائي سگهو. گوگل جو هي نئون “Gemini 3.5 Live Translate” نالي AI ٽول مسلسل ٻڌڻ، ترجمو ڪرڻ ۽ ڳالهائڻ جي صلاحيت رکي ٿو، جنهن سان چند سيڪنڊن اندر قدرتي انداز ۾ گفتگو جاري رکي سگهجي ٿي.

ڪمپني موجب هي AI سسٽم 70 کان وڌيڪ ٻولين کي سپورٽ ڪري ٿو. گوگل جو چوڻ آهي ته هي ٽيڪنالاجي هاڻي ڊولپرز ۽ پارٽنرز لاءِ به دستياب آهي، جيڪي ان کي ميٽنگز، ڪميونيڪيشن پليٽ فارمز ۽ موبائل ايپس ۾ استعمال ڪري سگهن ٿا.

هن ٽول ۾ توهان کي ڳالهائيندڙ جي جملي جي مڪمل ٿيڻ جو انتظار ڪرڻ جي ضرورت نه پوندي، ڇو ته هي سسٽم مسلسل ترجمو ڪندو رهندو جنهن سان ڳالهه ٻولهه ۾ دير نه ٿيندي. ڪمپني وڌيڪ ٻڌايو ته هي ٽول شور واري ماحول ۾ به ڪم ڪري سگهي ٿو ۽ پسمنظر جي آوازن کي به سنڀالي سگهي ٿو.

گوگل جو هي سسٽم آواز جي معيار تي به خاص ڌيان ڏئي ٿو، جنهن سان ڳالهائيندڙ جي رفتار، انداز ۽ لهجو محفوظ رهندو ۽ ترجمو ٿيل آواز وڌيڪ قدرتي محسوس ٿيندو، جنهن سان گفتگو جو وهڪرو هموار رهندو.